અંબાણી એટલે તો અંબાણી છે! ડિઝની+ હોટસ્ટારનું સુરસુરિયું, અંબાણીએ ફ્રીમાં મેચ બતાવીને કરી લીઘી મોટી કમાણી

ડિઝની પ્લસ હોટસ્ટાર મુકેશ અંબાણીના ગેમ પ્લાનમાં ખરાબ રીતે ફસાઈ ગઈ છે. બન્યું એવું કે મુકેશ અંબાણીએ JioCinema એપ પર ફ્રી IPL ક્રિકેટ મેચો બતાવીને Disney Plus Hotstar કરતાં વધુ કમાણી કરી છે, જ્યારે Disney Plus Hotstar એપ પર મેચ જોવા માટે યુઝર્સને 1499 રૂપિયાનું સબસ્ક્રિપ્શન લેવું પડતું હતું. જો કે, પ્રશ્ન એ ઊભો થાય છે કે આ કેવી રીતે થયું અને ડિઝની પ્લસ હોટસ્ટાર આ કેમ ન કરી શક્યું? ચાલો આ વિશે વિગતવાર જાણીએ

શા માટે કંપનીઓ વધુ પૈસા ચૂકવવા તૈયાર છે?

તમને જણાવી દઈએ કે ડિઝની પ્લસ હોટસ્ટારે હંમેશા એપ રેવન્યુ માટે સબસ્ક્રિપ્શન પર ભાર મૂક્યો છે, જ્યારે JioCinema એપ હંમેશા ગ્રાહકોને ફ્રીમાં ઉપલબ્ધ કરાવવામાં આવી છે. આવી સ્થિતિમાં મફતની મોજમાં યુઝર્સે JioCinema એપ્લિકેશન પર રેકોર્ડ સંખ્યામાં લાઇવ ક્રિકેટ મેચ જોઈ. JioCinema એપ જાહેરાત ખર્ચને વધારે રાખતી હતી. તે જ સમયે જાહેરાત કંપનીઓ વધુ દર્શકોની સંખ્યા જોયા પછી જાહેરાત માટે વધુ પૈસા ચૂકવવા માટે સંમત થઈ છે.

રેકોર્ડ બ્રેક વ્યૂઝ મળ્યા

IPL 2024 ની શરૂઆતની મેચમાં JioCinema એપ પર દર્શકોની સંખ્યામાં મજબૂત વૃદ્ધિ નોંધવામાં આવી છે. લગભગ 12 કરોડ ઉત્સાહીઓએ JioCinema એપ પર લાઈવ ક્રિકેટ મેચ જોઈ, જે Disney + Hotstar પર IPL 2022 ની શરૂઆતની મેચ જોનારા 8 કરોડ દર્શકો કરતાં 50 ટકા વધુ છે. તેનું કારણ ફ્રી આઈપીએલ મેચ છે. મહેન્દ્ર સિંહ ધોની જ્યારે ક્રિકેટ મેચ રમવા આવ્યો ત્યારે દર્શકોની સંખ્યા 24 કરોડ સુધી પહોંચી ગઈ હતી, જે પોતાનામાં એક રેકોર્ડ છે.

મફત મેચો બતાવીને મોટી રકમ

Disney+ Hotstar એ IPL 2022 માં સબ્સ્ક્રિપ્શન દ્વારા રૂ. 1200 કરોડની કમાણી કરી છે, જ્યારે JioCinema એપ એ IPL 2023 દરમિયાન IPL ને મફતમાં બતાવીને જાહેરાતની આવકમાં રૂ. 3239 કરોડની કમાણી કરી છે, જે 2022 માં Disney Plus Hotstar સબ્સ્ક્રિપ્શન અને જાહેરાતની આવકથી ક્યાંય વધારે છે.