35,000 કરોડ સ્વાહા! આ બેંકોના શેરમાં ભારે ઘટાડો, RBIના નિર્ણયે રોકાણકારોને રાતે પાણીએ રડાવ્યા

દેશની અગ્રણી ખાનગી બેંક કોટક મહિન્દ્રા બેંક પર ભારતીય રિઝર્વ બેંકની કાર્યવાહી બાદ તેના શેરમાં મોટો ઘટાડો જોવા મળી રહ્યો છે. આજે કોટક બેંકના શેર લગભગ 10 ટકાના ઘટાડા સાથે ખુલ્યા હતા અને 12% ઘટીને રૂ. 1,620ના સ્તરે પહોંચ્યા હતા. વાસ્તવમાં, આરબીઆઈએ બેંકને નવા ગ્રાહકો ઉમેરવા અને ઓનલાઈન અને મોબાઈલ બેંકિંગ ચેનલો દ્વારા નવા ક્રેડિટ કાર્ડ આપવા પર અસ્થાયી રૂપે પ્રતિબંધ મૂક્યો હતો. રિઝર્વ બેંકના આ નિર્ણય બાદ શેરમાં ભારે ઘટાડો જોવા મળ્યો હતો.

કોટક બેંકમાં આ મોટા ઘટાડા બાદ બેંકની માર્કેટ મૂડીમાં રૂ. 35,000 કરોડનો ઘટાડો થયો છે, એટલે કે આ ઘટાડાથી શેરધારકોને રૂ. 35,000 કરોડનું નુકસાન થયું છે. બેંકે તેના 811 ડિજિટલ પ્લેટફોર્મ દ્વારા મોટી સંખ્યામાં બચત ખાતા ખોલ્યા છે, અને મોટાભાગની અસુરક્ષિત ઉત્પાદનોને ડિજિટલ રીતે પ્રોસેસ પણ કરી છે.

સિટીના બજાર વિશ્લેષકો માને છે કે આરબીઆઈની કાર્યવાહી બેંકની વૃદ્ધિ, નેટ ઈન્ટરેસ્ટ માર્જિન (એનઆઈએમ) અને ફીની આવક પર પ્રતિકૂળ અસર કરશે. બ્રોકરેજ ફર્મે રૂ. 2,040ના લક્ષ્ય ભાવ સાથે સ્ટોક પર 'તટસ્થ' કોલ આપ્યો છે.

બીજી તરફ કોટક પર પ્રતિબંધ લાદતી વખતે, આરબીઆઈએ છેલ્લા બે વર્ષમાં બેંકના ડિજિટલ અને સુરક્ષા પ્લેટફોર્મમાં નોંધપાત્ર ખામીઓ દર્શાવી હતી. આ પ્રતિબંધ બાદ બ્રોકરેજ ફર્મ જેફરીઝે કોટક મહિન્દ્રા બેંક પરનો તેનો લક્ષ્યાંક રૂ. 2,050 થી ઘટાડીને રૂ. 1,970 પ્રતિ શેર કર્યો છે.