છી..છી..છી… ઇઝરાયલી સૈનિકોએ બધી હદ વટાવી દીધી, મહિલાઓની બ્રા અને અંડરવેર સાથે કરી શર્મનાક હરકત
ગાઝામાં લડતા ઇઝરાયલી સૈનિકોની કેટલીક તસવીરો સોશિયલ મીડિયા પર ખૂબ જ ઝડપથી વાયરલ થઈ રહી છે. આ તસવીરોમાં ઈઝરાયેલના સૈનિકો મહિલાઓના અંડરવેર સાથે રમતા જોઈ શકાય છે. આ તસવીરોમાં તે ગાઝાના તે વિસ્તારોમાં જોવા મળી રહ્યો છે, જે ઇઝરાયેલે તાજેતરમાં જ યુદ્ધમાં જીત્યું હતું.
એવું કહેવામાં આવી રહ્યું છે કે ઇઝરાયલી સૈનિકોએ ગાઝાની મહિલાઓના અંડરવેરની સાથે અપમાનજનક ટિપ્પણી કરવાનો વીડિયો પણ બનાવ્યો છે. સોશિયલ મીડિયા પર એક વીડિયો વાયરલ થઈ રહ્યો છે જેમાં ઈઝરાયેલના સૈનિકો કથિત રીતે ગાઝાના એક ખાલી ઘરમાં મહિલાઓના અન્ડરવેર સાથે રમતા જોવા મળી રહ્યા છે. આમાં એક સૈનિકના મોં પર અન્ય એક સૈનિકે અંડરવેર પકડી રાખ્યું છે.
વાયરલ થયેલી તસવીરમાં ઈઝરાયેલનો સૈનિક લાલ રંગની નાઈટી પહેરેલો જોવા મળે છે. આ દરમિયાન તેની આસપાસ બીજા ઘણા સૈનિકો પણ જોવા મળે છે. અન્ય એક વાયરલ તસવીરમાં ઈઝરાયેલનો સૈનિક તેના ડ્રેસ ઉપર સફેદ બ્રા પહેરેલો જોવા મળે છે. અન્ય એક વાયરલ તસવીરમાં એક ઈઝરાયલી સૈનિક પોતાના હથિયાર સાથે રૂમમાં બેઠો છે જ્યારે તેની પાછળ દિવાલ પર મહિલાઓના અંડરગારમેન્ટ લટકેલા જોવા મળે છે. ઈઝરાયેલ સૈનિકોની આ કાર્યવાહીની સોશિયલ મીડિયા પર ટીકા થઈ રહી છે.
એક યુઝરે લખ્યું છે કે ઈઝરાયેલની સેના સ્વરક્ષણ માટે આ યુદ્ધ લડી રહી હોવાનો દાવો કરે છે પરંતુ તેઓ તેમના દ્વારા માર્યા ગયેલા અથવા તેમના કારણે ભાગી ગયેલી મહિલાઓના અંડરવેરને સૉર્ટ કરીને તેને એક કળા તરીકે રજૂ કરી રહ્યા છે. ઇઝરાયલી સૈનિકોની આ હરકતો બાદ સંયુક્ત રાષ્ટ્રનું નિવેદન પણ સામે આવ્યું છે. માનવાધિકાર કાર્યાલયના પ્રવક્તા રવીના શમદાસાનીનું કહેવું છે કે ઇઝરાયલી સૈનિકોની આ હરકત પેલેસ્ટિનિયન મહિલાઓ અને વિશ્વની તમામ મહિલાઓ માટે અત્યંત અપમાનજનક છે.