રોહિત શર્માના કારણે નહીં પણ પોતાના જ કુકર્મોના કારણે નફરતનો શિકાર બની્યો હાર્દિક પંડ્યા, આ રહ્યાં 5 બોલતા પુરાવા
IPL 2024ની હરાજી પહેલા મુંબઈ ઈન્ડિયન્સ ફ્રેન્ચાઈઝીએ રોહિત શર્માને હટાવી દીધો હતો, જેણે 5 વખત ટીમનો ખિતાબ જીત્યો હતો, અને ટીમની કમાન સ્ટાર ઓલરાઉન્ડર હાર્દિક પંડ્યાને સોંપી હતી, જેઓ ગુજરાત ટાઇટન્સ સાથે ટીમમાં જોડાયા હતા. આ દરમિયાન કેટલાક એક્સપર્ટ્સનું માનવું છે કે રોહિત શર્માની જગ્યાએ મુંબઈની કેપ્ટનશિપ લેવાને કારણે ફેન્સ હાર્દિક પંડ્યાથી નારાજ છે પરંતુ કેટલીક ભૂલોના કારણે પણ હાર્દિકને ભોગવવું પડી રહ્યું છે.
- મેદાન પર સાથી ખેલાડીઓ સાથે દુર્વ્યવહાર
ટીમ ઈન્ડિયાનો સ્ટાર ઓલરાઉન્ડર અને આઈપીએલ 2024માં મુંબઈ ઈન્ડિયન્સની કેપ્ટનશીપ કરી રહેલા હાર્દિક પંડ્યા મેચ દરમિયાન ઘણી વખત ટીમના ખેલાડીઓ સાથે દુર્વ્યવહાર કરતો જોવા મળ્યો હતો. જે બાદ ફેન્સે તેને ખૂબ ટ્રોલ કર્યો હતો. કેટલાક ચાહકો અને ક્રિકેટ નિષ્ણાતોનું કહેવું છે કે હાર્દિકના આ વર્તનથી ઘણા ચાહકો નારાજ પણ થયા હતા.
- તિલક વર્માને ફિફ્ટીથી રોકવો
ગયા વર્ષે ઓગસ્ટમાં વેસ્ટ ઈન્ડિઝ સામે રમાયેલી ટી-20 શ્રેણી દરમિયાન જ્યારે ભારતીય ટીમ હાર્દિક પંડ્યાના નેતૃત્વમાં શ્રેણી રમી રહી હતી. તે દરમિયાન ટીમનો યુવા બેટ્સમેન તિલક વર્મા 49 રન પર રમી રહ્યો હતો અને મેચ જીતવા માટે ઘણા બોલ બાકી હતા પરંતુ તેણે સિક્સર ફટકારીને મેચ પૂરી કરી દીધી હતી. જે બાદ તેને ફેન્સ દ્વારા ઘણો ટ્રોલ કરવામાં આવ્યો હતો.
- કેએલ રાહુલને સદીથી રોકવો
તિલક વર્માની જેમ વર્લ્ડ કપ 2023 દરમિયાન, કેએલ રાહુલ ઓસ્ટ્રેલિયા સામેની પ્રથમ મેચમાં સદીની ખૂબ નજીક હતો અને આ મેચમાં ઘણા બોલ બાકી હતા અને બહુ ઓછા રન બનાવવાના હતા. આ દરમિયાન પણ હાર્દિક પંડ્યાએ કેટલાક મોટા શોટ રમીને કેએલ રાહુલને તેની સદી પૂરી કરતા રોક્યો હતો. જે બાદ ચાહકોએ તેની ખૂબ ટીકા કરી અને તેને સોશિયલ મીડિયા પર ખૂબ ટ્રોલ કરવામાં આવ્યો.
- લસિથ મલિંગાને ધક્કો મારવો
IPL 2024 દરમિયાન મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે રમાયેલી મેચ દરમિયાન, હાર્દિક પંડ્યાએ મેચ સમાપ્ત થયા બાદ શ્રીલંકાના ભૂતપૂર્વ ફાસ્ટ બોલર અને મુંબઈ ઈન્ડિયન્સના સપોર્ટ સ્ટાફ પ્લેયર લસિથ મલિંગાનું અપમાન કરી ધક્કો માર્યો હતો. જેનો વીડિયો સોશિયલ મીડિયા પર વાઈરલ થયો હતો અને તેના કારણે ફેન્સ હાર્દિક પર ખૂબ નારાજ થયા હતા.
- રોહિતને બાઉન્ડ્રી તરફ દોડાવવો
IPLની આ સિઝનમાં મુંબઈ ઈન્ડિયન્સની કેપ્ટનશિપ કરી રહેલા હાર્દિક પંડ્યાએ ગુજરાત ટાઈટન્સ સામે રમાયેલી પ્રથમ મેચમાં ટીમના ભૂતપૂર્વ કેપ્ટન રોહિત શર્માને ફિલ્ડિંગ માટે બાઉન્ડ્રી પર મોકલ્યો હતો. આ કારણે ચાહકો હાર્દિકથી ખૂબ નારાજ હતા અને તેના પ્રત્યે ચાહકોનો ગુસ્સો વધુ વધી ગયો હતો. IPLમાં રમાયેલી મુંબઈ ઈન્ડિયન્સની પ્રથમ ત્રણ મેચ દરમિયાન ચાહકો હાર્દિક પંડ્યાને ખૂબ ટ્રોલ કરી રહ્યા છે.