દીકરીનો જન્મ થતાં જ સરકાર ખાતામાં જમા કરે છે 35 હજાર રૂપિયા, અરજી માટે એક રૂપિયો પણ ફી નથી

દીકરી માટે ભારત સરકાર અનેક યોજનાઓ ચલાવી રહી છે અને સહાય પણ કરી રહી છે. સાથે સાથે દેશના તમામ રાજ્યોમાં દીકરીઓ માટે અનેક પ્રકારની યોજનાઓ ચલાવવામાં આવે છે. આ યોજનાઓનો ઉદ્દેશ્ય દીકરીઓને સારું શિક્ષણ અને સારો ઉછેર આપવાનો છે. તમેજ દીકરી પણ દીકરાની જેમ આગળ વધી શકે એ હેતુ છે. એ જ અરસામાં દિલ્હી સરકાર પણ છેલ્લા ઘણા સમયથી આવી જ એક યોજના ચલાવી રહી છે, જેનું નામ છે દિલ્હી લાડલી યોજના. આ યોજના હેઠળ સરકાર દીકરીના નામે બેંક ખાતામાં અમુક રકમ જમા કરાવે છે. જેમના પરિવારમાં દીકરીનો જન્મ થયો હોય તે કોઈપણ આ યોજના માટે અરજી કરી શકે છે.

યોજનાનો લાભ કોને મળે છે

દિલ્હી સરકાર દ્વારા આપવામાં આવેલી માહિતી અનુસાર જે લોકોની વાર્ષિક આવક 1 લાખ રૂપિયા સુધી છે તેઓ આ યોજના માટે અરજી કરી શકે છે. આ માટે ઓછામાં ઓછા ત્રણ વર્ષ સુધી દિલ્હીમાં રહેવું જરૂરી છે. એટલે કે, જો તમે ત્રણ વર્ષથી દિલ્હીમાં રહ્યા છો અને તમારે દીકરી છે, તો તમે આ સરકારી યોજના માટે અરજી કરી શકો છો. આ માટે તમારે તમારી પુત્રીના જન્મના એક વર્ષની અંદર નજીકના જિલ્લા કાર્યાલય અથવા મહિલા અને બાળ વિકાસ વિભાગમાં રજીસ્ટ્રેશન કરાવવું પડે છે.

સરકાર ખાતામાં કેટલા પૈસા નાખે છે?

જો તમારા ઘરે દીકરીનો જન્મ થાય છે, તો દિલ્હી સરકાર રજિસ્ટ્રેશન થતાંની સાથે જ દીકરીના ખાતામાં 10,000 રૂપિયા જમા કરાવશે, જ્યારે દીકરીનો જન્મ સરકારી હોસ્પિટલમાં અથવા પ્રસૂતિ ગૃહમાં થશે તો સરકાર 11,000 રૂપિયા જમા કરશે. આ પછી ધોરણ 6, ધોરણ 9 અને ધોરણ 10 માં જવા પર, સરકાર દ્વારા આ ખાતામાં 5,000 રૂપિયા જમા કરવામાં આવશે. આ સિવાય 10મું પાસ થવા પર અને 12માં દાખલ થવા પર તમારા ખાતામાં 5,000 રૂપિયા જમા થશે. દીકરીના 18 વર્ષ પૂરા થયા બાદ ખાતામાં જમા થયેલા સંપૂર્ણ પૈસા વ્યાજ સહિત ઉપાડી શકાય છે. એકંદરે સરકાર દીકરીના ખાતામાં લગભગ 35 હજાર રૂપિયા જમા કરાવે છે.

યોજના માટે અરજી કરવા માટે MCD દ્વારા જારી કરાયેલ આવક પ્રમાણપત્રની જરૂર નથી, તેમાં કોઈપણ ઓળખ કાર્ડનો ઉપયોગ કરી શકાય છે. પરિવારની બે દીકરીઓ આ યોજનાનો લાભ મેળવી શકે છે. આ માટે અરજી કરવા માટે કોઈ ફી લેવામાં આવતી નથી.