શાહરૂખ ખાને સુહાના ખાનના ભણતર પાછળ કેટલા પૈસા ખર્ચ્યા? બોર્ડિંગ સ્કૂલથી લઈને ડ્રામા ક્લાસ સુધીની ફીનું સરવૈયું
બોલિવૂડ સુપરસ્ટાર શાહરૂખ ખાન હાલમાં સોશિયલ મીડિયા પર છવાયેલો છે. શાહરૂખ ખાનની ટીમ KKR એ તાજેતરમાં IPL 2024 જીતી છે. ત્યારથી દરેક જગ્યાએ શાહરૂખ ખાન અને તેની ટીમની ચર્ચા છે.
શાહરૂખ ખાન અને ગૌરી ખાનની પુત્રી સુહાના ખાન સૌથી પ્રિય સ્ટાર કિડ્સમાંથી એક છે. સુહાના ખાને વર્ષ 2023માં ઝોયા અખ્તરની ફિલ્મ 'ધ આર્ચીઝ'થી બોલિવૂડમાં એન્ટ્રી કરી હતી. અહેવાલ છે કે સુહાના ટૂંક સમયમાં પિતા શાહરૂખ ખાન સાથે ફિલ્મ 'કિંગ'માં જોવા મળશે.
સુહાના ખાન બોલિવૂડમાં ડેબ્યુ કરતા પહેલા જ ઘણી ફેમસ થઈ ગઈ હતી અને તેણે પોતાની ફેશન અને પર્સનાલિટીથી ફેન્સનું દિલ જીતી લીધું હતું. તમને જણાવી દઈએ કે સુહાના ખાન અભિનેત્રી હોવા ઉપરાંત બે ફેમસ બ્યુટી બ્રાન્ડ્સનો ચહેરો પણ છે. બોલીવુડમાં ડેબ્યુ કરતા પહેલા સુહાના શોર્ટ ફિલ્મ 'ધ ગ્રે પાર્ટ ઓફ બ્લુ'માં પણ જોવા મળી હતી.
તમને જણાવી દઈએ કે શાહરૂખ ખાને પોતાની દીકરીના ઉછેરમાં કોઈ કસર છોડી નથી. તેણે પોતાની વહાલી દીકરી સુહાનાના સંપૂર્ણ શિક્ષણ પાછળ ઘણો ખર્ચ કર્યો છે. મળતી માહિતી મુજબ, દરેક સેલિબ્રિટી બાળકોની જેમ સુહાના ખાને પણ ધીરુભાઈ અંબાણી ઈન્ટરનેશનલ સ્કૂલમાંથી અભ્યાસ કર્યો છે.
- મીડિયા રિપોર્ટ્સ અનુસાર ધીરુભાઈ અંબાણી ઈન્ટરનેશનલ સ્કૂલની વાર્ષિક ફી 70,000 રૂપિયા છે. આ શાળામાં IGCSE વિદ્યાર્થીઓ માટે અલગ પ્રકારની ફી છે, જે વાર્ષિક રૂ. 5,90,000 છે.
- તમને જણાવી દઈએ કે મુંબઈની ધીરુભાઈ અંબાણી ઈન્ટરનેશનલ સ્કૂલમાં સ્કૂલનો અભ્યાસ પૂરો કર્યા બાદ સુહાના ખાન આગળના અભ્યાસ માટે લંડન ગઈ હતી. સુહાનાએ તેનું ગ્રેજ્યુએશન લંડનની આર્ડીંગલી કોલેજમાંથી કર્યું છે. મીડિયા રિપોર્ટ્સ અનુસાર, કોલેજની બોર્ડિંગ ફી 14,000 પાઉન્ડ પ્રતિ ટર્મ છે, જે અંદાજે 14,51,177 રૂપિયા છે.
- વર્ષ 2019 માં સુહાના ખાને ન્યુયોર્કની ટિશ સ્કૂલ ઓફ આર્ટ્સમાં ડ્રામાનો અભ્યાસ શરૂ કર્યો. આ કોલેજમાં ત્રણ વર્ષનો ગ્રેજ્યુએશન કોર્સ છે. પ્રથમ વર્ષની ફી લગભગ 17 લાખ રૂપિયા છે.
- ટીશ સ્કૂલ ઓફ આર્ટ્સની બીજા વર્ષની ફી 15 લાખ રૂપિયા છે જ્યારે ત્રીજા વર્ષની ફી 12 લાખ 50 હજાર રૂપિયા સુધી છે. સુહાનાએ ન્યૂયોર્ક ફિલ્મ એકેડમીમાંથી એક્ટિંગનો અભ્યાસ કર્યો છે. કુલ મળીને સુહાનાના ભણતર પાછળ 65 લાખ રૂપિયાથી વધુનો ખર્ચ થયો છે.
મીડિયા રિપોર્ટ્સ અનુસાર, શાહરૂખ ખાનની દીકરી સુહાના ખાન 24 વર્ષની ઉંમરમાં કરોડોની સંપત્તિની માલિક છે. થોડા દિવસો પહેલા જ સુહાનાએ મુંબઈના અલીબાગમાં એક આલીશાન પ્રોપર્ટી ખરીદી હતી. સુહાનાની કુલ સંપત્તિ હાલમાં 13 કરોડ રૂપિયા છે. ફિલ્મો ઉપરાંત સુહાના જાહેરાતોમાંથી પણ કરોડોની કમાણી કરે છે.